Bata, bata san ka nakatira?

Pilipinas? Pilipinas ay mayaman sa pamana.

Mga pista, patimpalak't katutubong sayaw.

Ngunit. Nakikita mo ba?

Lahat ng mga tao sa paligid mo tila’y kinalimutan ka na?

Kinalimutan kung gaano ka kahalaga.

Na parang nakapiring ang kanilang mga mata

Hindi makita kung bakit ipinaglalaban ng iba.

Teka, bakit nga ba?

Bakit nga ba wika ng dayuhan ang tinatangkilik?

Bakit nga ba kultura nila ang ating ipinipilit?

Bakit nga ba iilan na lamang ang lumalaban para sa wikang Flipino?

Bakit nga ba iilan na lamang ang lumalaban para sa kulturang Flipino?

Bakit nga ba iilan na lamang ang lumalaban para sayo?

Bakit nga ba?

Bakit nga ba ganito?

Kaya ikaw, wag kang magkulong

Huwag mong hayaang ikulong ka

Ng mga taong nakapiring ang mga mata

At hindi makita ang iyong halaga

Dahil dadating ang araw

Oo, dadating ang araw na hinihintay mo

Ang araw na hinihintay nating lahat

Ang makita ang halaga mo

Ang makita ang halaga ng wikang magpalaya

Oo darating ito

At sa araw nang pagkawala ng piring sa kanilang mata

 

Iyong araw na ika’y makakalaya na

Makikita nila

Nakikita mo ba?

 

Nakikita mo ba?